Bordi i RTK-së dje mbajti mbledhjen e fundit duke qenë të kryesuar nga kryetari Besnik Boletini dhe nënkryetarja Arta Berisha.
Nënryetarja Berisha gjatë takimit të sotëm ka dorëzuar dorëheqjen e saj nga roli i nënkryetares, para mbarimit të mandatit të saj, duke i hapur rrugë emërimit të një zëvendëskryetari të ri, përcjell Arbresh.info
Kjo me qëllim që Bordi si organi më i lartë drejtues i radio televizionit publik të jetë funksional në kryerjen e detyrimeve karshi institucionit.
Në përputhje me dispozitat e përcaktuara në Ligjin e RTK-së, procesi zgjedhor për zëvendëskryetarin e ri u zhvillua nën udhëheqjen e kryetarit aktual. Kështu, Bordi i RTK-së tanimë do të vazhdojë punën nën udhëheqjen e nënkryetares së re, Albulena Mehmeti, e cila është zgjedhur me shumicë votash nga anëtarët e tjerë të Bordit.
“Mehmeti sjell një përvojë të pasur dhe përkushtim në rolin e saj, duke treguar njohuri të misionit dhe vlerave të transmetuesit publik. E provuar në fushën e menaxhimit dhe financave, ajo është një zgjedhje e duhur për të vazhduar kontributin në suksesin e vazhdueshëm të RTK-së”, thuhet në njoftim.
Gjatë takimit, bordi diskutoi gjerësisht edhe çështje të tjera të rëndësishme, me një fokus të veçantë në hartimin e planit të auditimit për vitin 2024 dhe formulimin e strategjisë së auditimit për tre vitet e ardhshme, bazuar në propozimet e Njësisë së Brendshme të Auditimit dhe Komitetit të Auditimit të Brendshëm.
Diskutimet nënvizuan përkushtimin e bordit për të siguruar transparencën, përgjegjshmërinë dhe menaxhiminefektiv në të gjitha operacionet .
“RTK mbetet e palëkundur në përkushtimin e saj për mbajtjen e standardeve më të larta të integritetit, profesionalizmit dhe shkëlqimit si media publike në Kosovë. Kuvendi i Kovovës me 6 dhjetor të vitit 2021 zgjodhi tetë anëtarë, ndërkaq pas hudhjes së shortit mandati dyvjeçar u është caktuar Besnik Boletinit, Arta Berishës dhe Shukrie Ramës, të cilët kanë përfunduar mandatin e tyre dje”, thuhet në fund të njoftimit./Arbresh.info
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...